EDIT mugaz gaindiko proiektua inspirazio-iturri da Frantziako eta Espainiako mugetatik harago
16.10.2025
2025eko urriaren 15ean, Bidasoa Activa EDIT proiektuaren erakunde liderrak proiektuan egin diren aurrerapenak aurkeztu zituen Bidarten (Frantzia – Pirinio Atlantikoak). Aurkezpena, hain zuzen ere, ehungintza sektoreko hogeita hamar bat enpresa italiarren aurrean egin zen, enpresa horiek ESTIA eskolak Bidarten antolatutako Biarritz Good Fashion 2025 ekitaldian parte hartu baitzuten.
Italiako ordezkaritzarekin izandako bilkura hori garrantzitsua izan zen EDIT proiektuaren hurrengo emaitzak zabaltzeari dagokionez; izan ere, Produktuaren Pasaporte Digitalari lotuta Europak etorkizunean ezarriko dituen araudiek eragindako edozein enpresak berrerabili ahal izateko diseinatuta daude.
Eta helburua? Mugak ezabatzea eta eragileen artean sinergiak sortzea, POCTEFA programaren eremu tradizionaletik askoz harago.
Mugaz gaindiko lankidetzaren adibide zehatza, moda arloko berrikuntzaren eta jasangarritasunaren zerbitzura.
